منتدى كلية ابن سيناء الاهلية

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Ibn sina2nd


    الحلم أصبح حقيقة

    تصويت

    هل أفادك الموضوع؟

    [ 0 ]
    الحلم أصبح حقيقة  Bar_right0%الحلم أصبح حقيقة  Bar_left [0%] 
    [ 0 ]
    الحلم أصبح حقيقة  Bar_right0%الحلم أصبح حقيقة  Bar_left [0%] 

    مجموع عدد الأصوات: 0
    avatar
    Toxii


    المساهمات : 1
    تاريخ التسجيل : 31/07/2014

    الحلم أصبح حقيقة  Empty الحلم أصبح حقيقة

    مُساهمة من طرف Toxii الجمعة أغسطس 22, 2014 3:46 am

    السلام عليكم  رحمة الله و بركاته


    حلم القبول في كلية طبية جدا رائع و كم كافحنا عشان نوصل  cheers 
    مبروك القبول و سنه جديدة موفقة بإذن الله king 
     Very Happy  Very Happy  Very Happy  Very Happy 

    و بما إني انتقلت للمستوى الثالث حبيت أفيد دفعة الـ Pre-Medical !


    أبدأها بدعوة ( يارب يوفق الجميع و يحقق لكم أمانيكم و أشوفكم أفضل ممرضين و أطباء و صيادلة و أطباء أسنان )



    طبعاً أول شيء , لازم تتحلوا بالعزيمة و الصبر و توجهوا علمكم و عملكم لله وقتها بتحس إنك من جد جالس تدرس و تتعب عشان تساعد لله و تآخذ الأجر من الله



    طيب نجي لأول يوم , يوم يكون مليان حماس و أنت منتظر من زمان تحقق حلمك تدخل و تشوف دورك و تحجز مقعدك و تنزل تشتري الكتب و بعدها تتسلم البطاقة و تبدأ دوامك اليومي .



    قبل هذا كوولوو رح تحضر يوم اختبار تحديد المستوى بإستثناء التمريض (لأنهم كلاس واحد) هما بيختبرو ليفلينق عشان يقسمو القروبات المشتركة بالتخصصات .



    المهم في نفس هاليوم يكون اليوم التعريفي و رح ياخذوكم لكل جزء من الكليه و يعلموكم ايش هوا و ايش الدراسة و ايش المواد و في حال رسبتي أو اهملتي ايش ممكن يصير !



    طيب ايش المواد و كم ساعاتها ؟  silent 


    الترم الأول يحتوي على :

    ثقافة إسلاميه
    ساعتين

    اللغة العربية 1
    ساعتين

    مصطلحات طبية – Medical Terminology -
    ساعتين

    إحصاء حيوي – Biostatistics-
    ساعتين

    الحاسب الآلي للعلوم الصحية  
    ساعتين

    الللغة الإنجليزية 1
    6 ساعات


    المجموع : 16 ساعة للسمستر الأول

    و المعدل طبعا من 5

    كل المواد انقلش ما عدا العربي و الإسلام و مهارات الإتصال (الترم الثاني)

    الحاسب حيكون فيه عملي و نظري

    مقدمة في الحاسب الآلي و بعدها العملي الوورد و البوربوينت و الإكسل و الإنترنت , فيه مواضيع في البداية بس كلها عن الجهاز – البت و البايت واجزاء السوفت وير و الهارد وير و أنواع الحاسب و كذا

    الإنقلش له 4 كتب (قرامر – ريدينق – رايتينق – ليسيننق ) القرامر بس الترم الأول و الإنقلش كلو بس أول سنه و خلاص  , حتاخذو من كل كتاب كم وحده حسب ما افتكر اننا ما استخدمنا الرايتينق الترم الاول بس مو متأكده

    الإحصاء و المصطلحات الطبية شي يبغاله تركيز و أول بأول لو فاتك شي بسيط يخرب عليك كل شي , أهم شي الأساسيات حق كل باب تنحفظ مزبوط

    ما فيه شي صعب إلا اذا أُهمَل


    الترم الثاني :

    أحياء + عملي
    و ينقسم قسمين :
    Human Biology
    Human Physiology
    4 ساعات


    كيمياء + عملي
    و ينقسم قسمين :
    General Chemistry
    Organic Chemistry
    4 ساعات


    فيزياء + عملي
    3 ساعات


    اللغة العربية
    ساعتين


    اللغة الإنجليزية
    3 ساعات


    مهارات اتصال
    ساعتين

    المجموع 18 ساعة للفصل الثاني


    الأحياء رح يكون ملزمه مجمعه فيها السلايدات اللي يشرحو فيها و في نفس الكتاب الفسيولوجي و الهيومان

    بالنسبة للعملي كلها بتكون في ملازم مفصولة و الكتب تاخذوها من مكتبة الجسر داخل الكلية أومكتبة الأندلس أو القلمون برا مقابل الكلية _الإنقلش اخذناه من جرير هو والعربي _

    و بس كذا يكون تقريبا كل شي عن المواد

    اما اللبس فعليه مخالفات طبعا و المكياج ما يكون بزيادة يعني طبيعي و تكتبي مخالفتين او 3  بعدها تسحب البطاقة , لازم اللاب كوت يكون دايما عليك و البطاقة معاك عند الدخول و اذا فيه دكتور لازم الحجاب و تشيلي المكياج لما يكون جدا ملفت
    الكافتيريا سيئة بكل صراحه أتمنى انهم يجيبو اكل صحي لإنها كلية صحية هي مو موضوعنا بس يبغالها تطوير مره

    فيه جيم في (الدور الأرضي) و غرفه فيها كرة سلة في (البيسمنت-البيدروم مقابل معمل الأحياء عند الدرج ) كتبت الوصف لإننا اكتشفناه في الترم الثاني  lol!  المهم ومكتبه و غرفة حاسب مزود بإنترنت و واي فاي مجاني في الدور الثالث
    المعامل كلها في البيسمنت (البدروم) و هي (معمل حاسب , معمل فيزياء , معمل كيمياء , معمل احياء ) هذي اللي تهم في السنه التحضيرية طبعا فيه معمل تشريح و معمل تمريض كامل و فيه غيرها بس لما تكبروا شوية

    فيه مصليين واحد في القراوند (الدور الأرضي ) و واحد في البيسمنت
    فيه ستيودنت لاونج (غرف طالبات ) في كل دور اتوقع للمذاكرة و الجلسة
    طبعا الغياب بدون عذر ينحسب سواء اختبار او كلاس مثلا ( اذا غبتي عن كلاس تروحي تعطي الدكتورة العذر في مكتبها بس لو غبتي عن اختبار , لازم العذر يكون مقبول و تنزليه للدور الأولى في الشؤون الأكاديميه تعطيهم و يحولوه للعميد عشان الإعاده )
    الدكاتره بجنسيات مختلفه  لازم لازم تشدوا ع الإنقلش لإنو الأساس و تتعود انك مو كل شي تترجمه لإنك لازم تحفظ المعاني و خلاص تسير تفهمها
    الدكاترة كل واحد و تدريسه بس تغلبهم الأمانه حسب اللي درسوني (لإنهم كثير و مقسمين على المجموعات)


    )Reset أخيرا فيه شيء اسمه ( إختبار إعاده أو إختبار ريست   scratch 
    طيب ايش سالفة هذا الإختبار ؟
    هذا اذا ما عديتي في اي ماده , يختبروك اياه في بداية شوال الماده كامله (احنا نختبر ايام الدراسة (كويز +ميد تيرم + فاينل (نهائي)
    وقت الإعاده عشان فرصة نجاحك تزيد يختبروك كل المنهج حتى العملي
    ان شاء الله ما تحتاجو الإعاده , لإنه اذا حملتي الماده بتختبريها بشوال و تنزل لك بدرجة نجاح 60 حتى لو جبتي درجه عاليه و كمان لا سمح الله ما نجحتي بإختبار الإعاده تاخذي الماده او المواد اللي حملتيها كامممله يعني مثلا صحباتك يطلعو سنه ثاني او ليفل 3 و انتي لسى بالسنه الأولى تجي الكليه تحضري اللي رسبتي فيها بس
    و الأفضل انكم تشدو حيلكم , والله التساهل بيجيب لكم عواقب يعني فيه بنات حاملين 4 و بنات حتى 7 مواد كيف بالله حتكفي؟
    بعد كذا يعني بالسنه الثانيه و ما بعدها اذا حملتي ماده عادي يمديك تنزليها بأي سنه ثانيه بس الأفضل الحذر من البدايه


    كل اللي لازم ينعمل الدراسة أول بأول
    و لإنهم خوفونا حبيت إني أتحداهم و الحمدلله الحمدلله جبت معدل كويس و عديت المواد لإنو فيه عزيمة و الا مستوايا في الثانوي كان فاااشل حق نجاح و بس
    بس الحين جربت اغير والله كانت تجربه ممتعه حسيت انه ليا هدف و غيرت من اكلي و صرت اتمرن و اسوي تمارين للمخ و اردد دايما أدعية المذاكرة كولو عشان استفيد و اعدي
    و بشكل عام ’ في تخصص طبي أبدا لا تحاول إنك تهمل , ليه ؟ لإني انا بعدها رح انزل مستشفى رح اتعامل مع بشر , وقتها التأشير و الغش و النوم ما رح تفيدني

    و نصيحة لوجه الله اذا قابلتو احد كذا لا تفسدوا حياتكم و تتقربو منه و حتى لو قالو واو دافور طننشو في النهاية بتلاقيك ناجح و هما زي ما هما  
    طبعا حتلاقو ناس مستفزه بشكل بس خلوكم ايجابيين و ابعدو عنهم و خلوكم واثقين من نفوسكم
    أي سؤال أو استفسار انا حاضرة   afro و لو حابين موضوع كامل عن الكتب و دكاترتها و الملخصات و الأسئلة المساعدة و صورها برضو تآمرو
    الله يوفقكم أجمعين  study 

      الوقت/التاريخ الآن هو الخميس مارس 28, 2024 4:38 pm